Barnamenningarhátíð kveður að sinni!
Við þökkum öllum þeim leik- og grunnskólum, frístundamiðstöðvum, dans-, myndlista- og tónlistarskólum, íþróttafélögum, menningar- og listastofnunum, félagasamtökum, sjálfstætt starfandi listhópum og listamönnum og öðrum sem að skipulagningu og framkvæmd viðburða á Barnamenningarhátíð komu, hjartanlega fyrir þeirra framlag.
Tæplega 11 þúsund börn komu fram á hátíðinni fyrir hönd skóla sinna, frístundamiðstöðva eða listaskóla, tóku þátt í skólasmiðjum eða voru áhorfendur á skólasýningum. Gestir voru rúmlega 42 þúsund.
Sjáumst glöð að ári liðnu!
Barnamenningarhátíð í Reykjavík
Barnamenningarhátíð verður haldin í Reykjavík dagana 17.-22. apríl 2012. Þema hátíðarinnar er Uppspretta og endurspeglast það með ólíkum hætti í tæplega 200 viðburðum sem börn og fullorðnir, í fylgd með börnum, geta sótt sér að kostnaðarlausu!
Dagskrá fyrir Barnamenningarhátíð er fáanleg fyrir Iphone og Android tæki í gegnum hugbúnað sem hlaða má niður ókeypis í gegnum viðkomandi netverslun. Smellið á "Dagskrá fyrir" og hlaðið niður viðbótina (Happening) sem birtist til vinstri á nýrri vefsíðu.
Skoða Dagskrá
Það er hægt er að skoða alla viðburði Barnamenningarhátíðar með því að smella á "Skoða Dagskrá" en einnig er þar hægt að setja saman og prenta út eigin dagskrá á mjög einfaldan hátt.
Skoða Dagskrá
Á Facebook síðu hátíðarinnar eru settar inn myndir frá viðburðum og greinar frá ungum blaðamönnum sem blogga um hátíðina. Smellið á "Facebook" til þess að fylgjst með!
Smíðaðu þinn eigin bát
Smiðja í Sjóminjasafninu þar sem hver og einn smíðar sér bát eftir eigin höfði og hugmyndaflugi. Allt efni verður á staðnum, þáttakendur koma með eigin hamar.
Sönglist
Nemendur úr Sönglist, söng- og leiklistarskóla, stíga á svið í Tjarnarbíó og skemmta með söng, leik og dansi. Skemmtun fyrir alla þar sem hlýða má á ljúfa tóna og gleðja augu og eyru.
Kramhúsið kraumar
Prufaðu hiphop, krakka-afró, breikdans, krakka-zumba eða taktu þátt í leikrænum spuna. Fáðu frábæra útrás í gegnum brakandi ferska tónlist og gott "bít" með kennurum Kramhússins. Fyrir stráka og stelpur á öllum aldri!